My poems from emanilapoetry.com

The following poems first appeared on emanilapoetry.com and is reprinted here with consent of emanila.com pty ltd.

You Are My Sole Parameter

You, my love
You make me alive
You are my sole parameter
That makes me function
As I should
You balance the equation of my soul
You make every red blood cells
In my body
Traverse their rightful paths
You have discovered
Every possible combination
Of my moods
The matrices of my personality
You have mapped easily
I cannot think of a single algorithm
That will make your value undefined
And I feel, that I want an infinite loop
To make you mine forever
For you to make me essential
And to also make me your parameter
That will somehow be needed
By your existence
Seek me, use a binary search
Need me
Even if I am but a variable
In this realm of intricately woven
Mathematical quanta...
Posted: December 16, 2006



Once Again I Am A Child

One Sunday afternoon
I had a dream
That once again I am a child
A child playing under the rain
It wasn't the rain
It wasn't being a child
That almost made me cry
When I woke up from my dream
It was the thought
That once, we were all children
Children of our mothers
Children of our fathers
Children of God
Innocent, fragile
Curious, honest
Once, we play under the rain
Once, we long for the rainbow
Somehow, maybe
We must always let a part of ourselves
remain to be a child
So that we can still be humble enough
To look back at the past
When we still know nothing
When everything is the truth
When everything excites us,
And makes us smile
When a sun is still a sun that
lights up the world
And not a sun that causes skin cancer
And this feeling of being a child
May perhaps be the feeling
That will make us remember
How to forget
How to forgive
How to be happy
How to worship God
How to truly love...
Posted: December 4, 2006



This Is A Country, Not A Choice

This is a country,
not a choice
This is our home,
not an option
Will you choose to leave?
Will you choose to hope?
Choose your life?
Choose this country's future?
Is it about economics?
Or is it about hope?
Posted: November 22, 2006



Ang Hawi

Isang pangyayari sa buhay ni Teddy
Si Teddy na may cerebral palsy
Hindi makalakad, nasa wheelchair lamang
Tumutulo ang laway, laging may alalay
Pinapaliguan, pinakakain, dinadamitan
Si Teddy ay nabubuhay sa paggabay
Isang umaga pagpasok sa eskwela
May nasalubong siyang magagandang dalagita
Malikot man ang katawan nyang payat
Pinilit nyang abutin ang kanyang ulo
Hinawi ang kanyang buhok at ngumiti ng todo
Pilit man ang ngiti, may kahalong pait
Sanlibong pag-asa ang kanyang sinambit
Posted: November 19, 2006


Pamamacquiao

Wagi! wagi na naman!
Buong bayan ito'y inabangan
Naubos ang sasakyan sa lansangan
Lahat ay tumutok sa laban
Pinataob na naman ni Manny Pacquiao
Ang Latinong si Erik Morales
Sa harap ng buong mundo
Ipinakita ang talento ng Pilipino
Sa larangan ng boksing
Ipinakita nyang tayo ang panalo!
Ano nga ba ang epekto nito
Sa buhay ng bawat Pilipino?
Pag-asa, pag-asa!
Na kung isang dating panadero
Kayang likumin ang atensyon ng mundo
Maaaring ang isang ordinaryong tao
Ay magtagumpay rin gaya nito
Mangarap, magtiyaga, maniwala
Walang imposible
Sa taong nananampalataya
Posted: November 19, 2006


Naiihi Ako

Naiihi ako
Posted: October 31, 2006



Banal Na Pagtilapon

Ihagis mo
Ang pag-ibig mo sa hangin
Hayaang pumulandit
Ang iyong damdamin
Walang iisipin
Magmahal nang malalim
Banal na pagtilapon
Ng iyong emosyon
Balang araw ay kakalat
Sasambulat, masisiwalat
Sasabog ang kulay
Lalawiswis ang mga piraso
Lilikha ng ligayang
Sa mundo ay babago
Posted: October 16, 2006



Uwian

Uwian na naman dito sa opisina
Matagal pa ba ako'y naiinip na
Alas sais na ba, ano na, ano na
Gabi na, gabi na, gabi na
Trapik na naman, kailan ba hindi
Siksikan sa bus, nakakarindi
Rush hour na naman dito sa Ayala
Pag minamalas ka, umuulan pa
Uuwi ng gutom, pagod sa maghapon
Dadatnan mo ay mga tulog na tao
Hello upuan, aparador at aso
Kumusta ipis, magandang gabi sayo
Gigising bukas, lalakad, tatakbo
Papawisan, mauubuhan, mahihipuan
Siksikan, trapik, usok, maingay
Uupo sa desk, malapit na ba ang uwian?
Posted: October 16, 2006


Mahilig Ba Ako Sa Madilim?

Hindi ko alam kung nalulungkot ako
O inaantok lamang
Dahil ba ito sa langit na makulimlim
O sa kahinaan ng aking damdamin?
Baka naman malungkot lamang
Pinakikinggan kong awitin
Anong mababasa sa dingding?
May gintong kutsara ba sa hangin?
Mahilig ba ako sa madilim?
Naglalakbay sa malayong lupain?
Nabubuhay sa nakalipas na panahon
Nagpapalunod sa kaunting ambon
Mahuhulog na ang tuyong dahon
Ang araw ay lulubog mamayang hapon
Masdan mo ang napakagandang ibon
Umaawit sa saliw ng hanging mahinahon
Posted: October 13, 2006



Nasasamid Ang Mga Tao

Nasasamid ang mga tao
Minsan kapag nag-uusap
Hindi dire-diretso
Ang kwentuhan o pagtatalo
Huwag mong masyadong tularan
Mga bida sa entablado
Pelikula, magasin, dyaryo
Walang taong perpekto
Nasasamid ang mga tao
Nabubulol, nagkakasala
Pinapawisan, nasusugatan
Nadadapa, nabubulunan
May hilaw na mga katotohanan
May niluto at pinalamutian
Suriin ang iyong pagkatao
Huwag masyadong ideyalistiko
Nasasamid ang mga tao
Posted: October 12, 2006


Saang Landas Tutungo?

Saang landas tutungo?
Anong buhay ang pipiliin?
Umaandar ang panahon
Natutuyo ang mga dahon
Tumatanda ang mga tao
Mga pangarap ay naglalaho
Iibigin ba kita?
Iiwan kaya?
Mangingibang-bansa?
Habambuhay tutula?
Habang paningin ko ay iginagala
May mga tao nang nawala
May mga apoy sa damdamin
Hinipan na ng hangin
Kapag isip ay inililingon sa kahapon
May nahihipong mga ngiti at tuwa
Ni hindi sa materyal na bagay nagmula
Kundi sa mga nagpakatotoong puso at kaluluwa
Posted: October 10, 2006


Lumipas Na Kahapon

Bakit nalulungkot ako?
Nalulungkot nga ba?
Kapag naaalala
Lumipas na panahong kapiling ka
Sana ay mas minahal kita
Niyakap nang mas mahigpit
Hinagkan nang mas matagal
Tinitigan nang mas malapit
Mas pinagpasensyahan sana kita
Kinuwentuhan ng maraming istorya
Mas sinabihan ng "mahal kita"
Nginitian, sinamahan, pinagkatiwalaan
Nakaraang panahon
Lumipas na kahapon
Kailanman ay hindi maibabalik pa
Kung nasaan ka man sana ika'y masaya
Ina, ama, kapatid, kabarkada, sinta
Bakit nalulungkot ako?
Nalulungkot nga ba?
Siguro rin ay masaya
May bukas pa upang magsimula...
Posted: October 10, 2006


Mga Kahel Na Liwanag

Madilim
Katatapos lamang ng matinding bagyo
Walang kuryente sa mga kabahayan
Mga kahel na liwanag ng kandila
Ang tumatanglaw sa mga hapag kainan
Mga kubeta, mga pasilyo
Kwarto, tindahan, pasugalan, ospital
Biglang maririnig ang tugtog ng isang gitara
Aawit ang lahat
Yuyuko
Magdadasal
Magpapasalamat sa pagkakaligtas
Mula sa ulan
Sa baha, malakas na hangin
Makakatulog ang mga tao sa huni ng mga kulisap
Maiiwang gising ang mga kandila
Mauupos, didilim
Bukas, liwanag...
Posted: September 29, 2006


Kapag Natutuyo Ang Batis

Kapag pala natutuyo ang batis
Na dati ay sagana sa malinaw na tubig
Mga halaman sa paligid ay nalalanta
Mga isda ay kung saan-saan pumupunta
Kapag pala natitigil ang pagtula
Na dati ay lagi kong ginagawa
Mga ritmo at tugma ay maaaring mawala
Mabaon sa limot ng nalibang na makata
Tula, o tula, hinanap-hanap kita
Nauhaw ako sa hatid mong pagsinta
Pagdaloy ng buhay ay aking kinasabikan
Sarap ng iyong kalayaan muling matitikman
Posted: September 26, 2006


Baka Kung Ano'ng Isipin Ng Mga Tao

Huwag mong gawin yan
Huwag kang yumakap
Huwag kang tumawa nang malakas
Huwag kang pupunta riyan
Huwag mong kaibiganin ang taong iyan
Huwag mong sabihin yan
Huwag mo akong tingnan nang ganyan
Huwag kang kumindat
Huwag kang bumulong
Huwag kang lumingon sa kaliwa, o sa kanan
Huwag kang kumain ng ganyan
Huwag kang bibili nyan
Huwag mong sambahin yan
Huwag mong mahalin yan
Baka kung ano'ng isipin ng mga tao
- Dito ako masaya
Mas mahalaga nga ba ang iisipin ng mga tao?
Posted: September 15, 2006


Brain Vasectomy

Brain vasectomy
It's what seems I have had
Everytime I can't write any poem
No ideas in my mind
Impotent is my literary wand
No bustle in my punning gland
Fallopian tube of neverland
I need a donor of rhyming sperms
In search of a surrogate bloody page
One word at least to fire a rage
I have to get out from this cage!
Posted: February 7, 2007


Ikaw Ay Lumipad

Sa pag-asang uunlad
Ikaw ay lumipad
Tumungo sa bansang
Sa puso ay may hinahangad
Naipon sa maleta
Kasama ng iyong mga dala
Ang isang kimpal na pag-asa
Gumuhit sa langit
Ang iyong mga mata
Hinugot sa bulsa
Ang baong pananampalataya
Kung ano man ang iyong hinahanap
Kung saan man nais mapunta
Anuman ang nais makuha
Sana'y magbalik ka sinta
Sa ating tahanan ay mas maligaya
Lalo na kung nandito ka...
Posted: March 8, 2007


Bawat Patak ng Ulan sa Luneta

Iniisip mo ang hinaharap
Pinaplano mo ang bukas
Gumuguhit ka ng mga posibilidad
Tumatahak sa iba't ibang landas
Ngunit bawat piraso ng alikabok sa kalsada
Bawat patak ng ulan sa Luneta
O sirang gulong ng mga sasakyan
Ay may kani-kaniyang isinasakatuparan
Minsan ay ikaw ang nagagawan
Ng landas na akala mo'y ikaw ang may tangan
Sapagkat may pwersang kung anuman
Na bumabalot at sumasakop sa ating kapalaran
Posted: April 23, 2007


Ang Pagkakataon Ay Bawat Segundo

Ang pagkakataon ay bawat segundo
Pagkakataon nating magbago
O manatili kung ano tayo
Ang pagkakataon ay bawat segundo
Pagkakataong maging matalino
O manatiling maging anino
Ang pagkakataon ay bawat segundo
Pagkakataong galingan ang trabaho
O maging habambuhay na ordinaryo
Ang pagkakataon ay bawat segundo
Pagkakataong magpakatao
Magpakatao o magpakagago
Ang pagkakataon ay bawat segundo
Pagkakataong humawak sa isang prinsipyo
O palipasin ang oras sa pagbabalatkayo
Ang pagkakataon ay bawat segundo
Pagkakataong mabuhay nang totoo
O mabuhay para sa kasiyahan ng ibang tao...
Posted: April 18, 2007


Gumawa Tayo Ng Mga Bagay Na Sa Bandang Huli'y Ating Pagsisisihan

Tara kaibigan, gumawa tayo ng mga bagay
Na sa bandang huli'y ating pagsisisihan
Manigarilyo tayo, mag-adik sa alak at droga
Tayo'y maging mukang pera
Sumubsob tayo sa trabaho
Pabayaan natin ang ating mga kalusugan
Sayang ang kikitaing pera
Pahalagahan natin ang pera kaysa sa kalusugan
Huwag nating intindihin kung
Wala na tayong oras para sa pamilya
Pahalagahan natin ang pera kaysa sa pamilya!
Magsungit tayo, maging arogante
Maging makasarili tayo
Huwag magbigay sa kapwa
Sapagkat tayo'y nangangailangan din
Nagtratrabaho tayo, nagpapakahirap
Hayaan silang maghirap!
Magtrabaho din sila!
Kasalanan ng mahihirap kung bakit sila mahirap!
Sila ay tamad, sila ay tamad!
Walang tayong kinalaman sa kahirapan
Walang ring kinalaman ang gobyerno sa kahirapan
Ang mahihirap ang may kasalanan!
Hindi politikal ang ugat
Ng karamihan sa mga problema ng bansang ito!
Maging masama tayo
Isipin natin na tayo ang Diyos
Na tanga lang ang naniniwala sa Diyos
Na katangahan ang paniniwala sa Diyos
Tara, isipin nating imposibleng mayroong Diyos
Sapagkat tayo'y kung anung talino
Sapagkat magagaling tayong mga nilalang
Sambahin natin ang siyensya
Mamangha tayo sa lohika
Lasapin natin ang bawat argumentong
Nahahanap natin upang maipukol sa simbahan
Magmayabang tayo, kaibigan
Huwag tayong magdasal
Kalimutan natin ang pagbabasa ng Bibliya
Tara kaibigan, gumawa tayo ng mga bagay
Na sa bandang huli'y ating pagsisisihan
Posted: August 22, 2007


Panandaliang Itinitigil Ang Metapora

Panandaliang itinitigil ang metapora
Bigyang pansin ang nakikita ng mata
May mga batang musmos, sumisinghot ng rugby
Sa ilang mga lansangan nagkalat ang pulubi
Maraming basura, mabaho ang ilang palengke
Konting ulan lamang, baha na sa ibang kalye
Madaming walang trabaho
Nakatambay lamang sa kanto
Ilang paaralang pampubliko
Nagra-rally, kulang daw ang pondo
Nahuli ang jeep na aking sinasakyan
Ayon sa driver, katapat ay singkwenta pesos lang
May pulis akong nakita sa kanto
Maya-maya ay may inaabot nang gantso
Hindi naman sa pagiging pesimistiko
Naghahayag lamang ng mga nakikita ko
Ang mga bagay naman na aking nabanggit
Mas malamang sa hindi ay laging nauulit
Mas mabuting nga sanang positibo ang nakikita
Ngunit minsan kailangang titigan ang problema
Posted: July 31, 2007


The Persistence Of Philippine Politics

A desert, deserted
The streets, the people
Melting slogans scattered
Litters of names in bold letters
The voters, after choosing
The politicians, after winning
Mundane clocks are ticking
Posted: July 18, 2007


Ang Pinakamahabang Tula

Bakit hindi maari
Na ikaw ay kabigha-bighani
Kung mangyayaring
Lahat ng bagay sa mundo
Ay kabigha-bighani rin naman?
Dito tayo tumigil
Dito tayo huminto
Saan ito patutungo?
Posted: July 14, 2007


Lilikhain Ko Para Sa Iyo

Humawak ka sa aking kamay
Kumapit nang mahigpit
Ililigtas kita sa bilis ng andar ng panahon
Ikukulong ko ang ating mga puso
Sa isang bulang walang hangin
Pagmamahal ang bubuhay sa atin
At bawat hibla ng kagandahan
Ay ating mamalasin
Hindi tayo masasaktan
Walang mang-aalipin
Lulutang tayo sa awitin
Sa himig ng mga damdamin
Lilikhain ko para sa iyo
Ang paraisong inaasam mo
Kahit sa pangarap lamang
O sa mga salitang aking nabibitiwan
Posted: June 8, 2007


Umuusok na Kape

Nakapangalumbaba ka
Tulala at nakatitig sa umuusok na kape
Malamig sa labas at makulimlim
Nag-expand daw nang 6.9 per cent ang ekonomiya ng Pilipinas ayon sa dyaryong iyong nabasa kanina
Hinihintay pa rin ang huling resulta ng nakaraang botohan
Anong bagay ang magpapagalaw sa balanse?
Kanal o isang progresibong bansa?
Biglang umulan sa labas at sinabayan pa ng maiingay na mga sasakyan
Ngunit wala kang naririnig sapagkat napaliligiran ka ng malilinaw na salamin
May nalikhang reyalidad na hindi totoo
Mamaya, paglabas mo, gamitin mo ang dyaryo upang hindi ka mabasa ng ulan...
Posted: June 1, 2007

"From Guimaras With Love"

Daniel,

Kumusta na dyan sa Maynila?
Siguro ay narinig mo na ang balita
May barkong lumubog dito sa atin
Maraming langis ang tumapon sa dagat
Nangangamba si tatang
Namamatay na raw ang mga isda
Umabot na sa pampang ang maitim na langis
Masakit sa ilong ang matalim nitong amoy
Si junior, inatake na naman ng hika
Dahil na rin siguro sa amoy ng langis
Mamaya, papunta kami ni tatang sa pampang
Babayaran kami upang linisin
Ang duming hindi sa amin galing
Two hundred pesos daw kada araw
Mabuti na rin yoon
Kahit papaano ay may maipambibili ng bigas

Lusing



"From Guimaras With Love" first appeared on
emanilapoetry.com and is reprinted here with
consent of emanila.com pty ltd.

"Mahal Na Mahal Kita"

Klishey man kung pakikinggan
Ngunit mahal na mahal kita
Lahat naman siguro ay nagmamahal
Ngunit mahal na mahal kita
Kaya rin nilang mag-alay ng buhay
Ngunit mahal na mahal kita
Marami mang katulad yaring pag-ibig ko
Basta't mahal na mahal kita
Para sa iyo ang buong buhay ko
Mahal na mahal kita



"Mahal Na Mahal Kita" first appeared on
emanilapoetry.com and is reprinted here with
consent of emanila.com pty ltd.

"Balat Ng Kendi"

Tara, isip
Subukan nating pumunta
Sa daang madamo
Balat ng kendi oh
Tingnan mo
Kulay pula
Naalala ko tuloy
Ang isa kong kaibigan
Na minsang nagsabing
Gusto nyang maging manunulat
"Bakit naman?" tanong ko
"Kasi nakakita ako ng
balat ng kendi sa lamesa,"
sabi ng kaibigan ko
Ang labo
Balat ng kendi
Ano ang mayroon sa balat ng kendi?
Ano nga ba?
Ano ang mayroon sa abortion?
Sa corruption?
Sa human rights violation?
Population explosion?
NPA?
Oil deregulation?
Kahirapan?
Baklang itinatago ang kasarian?
Batang lansangan?
Sugal?
Patayan dahil sa lupa?
Sumobra na ba sa kasikatan?
Mga isyung panlipunan?
Kayat ordinaryo na lamang?
Kayat natanggap na lamang?
Natanggap na nga ba lamang?
Balat ng kendi
Ang Pilipinas ay balat ng kendi.



"Balat Ng Kendi" first appeared on
emanilapoetry.com and is reprinted here with
consent of emanila.com pty ltd.

"Bumagal Muna Ang Paggalaw"

Bumagal muna ang paggalaw
Ng mga bagay sa aking paligid
Kahit mga boses at busina ng sasakyan
Ay animo'y naging mga alingawngaw
Pagkatapos ay mga nakabibinging
Paglagutok at pagkabarag ng mga pader
Mga bakal, tanso at semento
Ay nagtilamsikan at parang
Mga papel at pisi na lamang
Na napupunit at napipigtas
Nagliparan ang mga piraso
Ng lahat uri ng matitigas na bagay
At para bagang nagsipagsayaw
Sa ingit at langitngit ng mga yero
Umindayog, lumutang
Sa tunog ng mga nababasag na salamin
Umangat sa lupa ang lahat ng bagay
At parang hinihigop na ng langit
Ang mundo ay naging isang
Magarang larawang unti-unting
Nalulusaw sa di malamang kadahilanan
Parang isang rebultong putik
Na pinipihit at nilalamukos
Ng isang malakas at nakagigimbal na pwersa
Ilang matutulis na bato ang tumagos
Sa laman ng mga puting kalapati
At ang ilang mga pulang rosas ay nalagasan
Ng mga talulot, na biglang naging abo
Apoy, alikabok at kumukulong putik
Ang naghari sa buong paligid
Nawasak ang aking mundo
Nang ako ay iniwan mo



"Bumagal Muna Ang Paggalaw" first appeared on
emanilapoetry.com and is reprinted here with
consent of emanila.com pty ltd.

"Kung Corny Na Ang Pagtula"

Kung corny na ang pagtula
Sana ay patay na ako
Kung nakakatawa na ang magmahal
Sana ay patay na ako

Kapag nabibili na ang pangangarap
Kapag walang nang taong ngumingiti
Kapag wala nang pagmamahal sa puso ng bawat isa
Kapag wala nang batang naglalaro at tumatawa
Kapag wala nang musikang nakahahalina
Kapag ang bukas ay wala nang siglang dala
Kapag di na kilala ng tao ang pag-asa
Kapag sa aking tabi ika'y wala na

Sana ay patay na ako.




"Kung Corny Na Ang Pagtula" first appeared on
emanilapoetry.com and is reprinted here with
consent of emanila.com pty ltd.

"Sabihin Mong Walang Diyos"

Sabihin mong walang Diyos
Pagkatapos ay tumingin ka sa langit
Masdan mo ang mga tala
Malasin mo ang kislap ng mga bituin

Sabihin mong walang Diyos
Pagkatapos ay masdan mo ang mga bata
Panoorin mo silang maglaro at tumawa
Sundan mo ng tanaw ang kanilang mga mata

Sabihin mong walang Diyos
Pagkatapos ay yakapin mo ako
Pakiramdaman mo ang aking pag-ibig
Damhin mo ang init ng aking pagmamahal

Sabihin mong walang Diyos
Pagkatapos ay pumitas ka ng pulang rosas
Langhapin mo ang bangong nagmumula rito
At saka ipitin sa paboritong mong libro

Sabihin mong walang Diyos
Pagkatapos ay tumingin ka sa langit
Masdan mo ang maitim na usok
Hanapin mo ang liwanag ng araw

Sabihin mong walang Diyos
Pagkatapos ay masdan mo ang mga bata
Pakinggan mo ang kanilang mga iyak
Silang walang malay, biktima ng digma

Sabihin mong walang Diyos
Pagkatapos ay yakapin mo ako
Damhin mo ang galit sa aking puso
Sundan mo ang lohika ng aking pagkabigo

Sabihin mong walang Diyos
Pagkatapos ay pumitas ka ng pulang rosas
Kasimpula ba ito ng dugo sa lansangan?
Nasaan na nga ba ang kapayapaan?



"Sabihin Mong Walang Diyos" first appeared on
emanilapoetry.com and is reprinted here with
consent of emanila.com pty ltd.

"Sa Paglangitngit Ng Mga Kawayan"

Habang tinatangay ang mga tuyot na dahon
Ng hanging malamig, busilak at mahinahon
Ako'y napapadpad sa alaala ng kahapon
Napapangiti, napapaluha, sa bilis ng panahon

Sa tuwing ako ay nagsisimulang magduyan
Sa nakaaantok na simoy ng nakaraan
Sa paglangitngit ng mga kawayan
Nasasariwa ang naglahong kamusmusan

Ulan, bagyo, baha at putik
Kalabaw, bibe, kambing at itik
Mga palay at sampalok na namumutiktik
Sa alaala ng aming pagtira sa bukid

Sa umaga ako ay maagang gumigising
Gatas ng kalabaw ang inuulam namin
Nagwawalis na ng bakuran si inay
Habang si itay ay nagbabayo ng palay

Si lola, si lolo at saka si tito
Mga tita, pinsan, at makulit na aso
Sama-samang nanghuhuli ng bulig at hito
Habang ako ay nakaakyat sa puno

Duhat, bayabas, mangga at saging
Pinagsawaan ko sa malawak na bukirin
Talangka, palaka at maliliit na isda
Aming hinuhuli sa pilapil at sapa

Masarap ang gulay na luto ni nanay
Talong, okra, at mais na ginulay
Mais na ginulay na may malunggay!
Masarap kainin kapag may kasabay

Saranggolang bigay sa akin ni tatay
Mataas ang lipad at maraming kulay
Una't huling saranggolang bigay
Ng aking masipag at mabait na itay

Sa tuwing ako ay napapatanaw sa kawayan
Habang umiihip ang hanging amihan
Kayraming gunita ang aking nasasalang
Sa paglangitngit ng mga kawayan

Kawayan, kawayan, sa pagyuko ng kawayan
Aking nakalipas ay nalilingunan
Habang tumataas nga daw ang kawayan
Mas humahalik sa lupa kapag nahanginan



"Sa Paglangitngit Ng Mga Kawayan" first appeared on
emanilapoetry.com and is reprinted here with
consent of emanila.com pty ltd.

"A Beautiful World"

I believe in
A beautiful world
Where people are not
Perfect
But are true to themselves
And where people
Value love and peace
Above all
I believe in
A beautiful world
Where trees are
Abundant
And hatred is scarce
Where water and air are pure
As pure as people's hearts
I believe in
A beautiful world
Where people respect
Each other's opinions
Where religions
Are but opinions
I believe in
A beautiful world
A world not without
Ugliness
But a world
Without prejudice
Where everyone has
A chance
Before being judged
I believe in
A beautiful world
Where rain drops
Fall on green meadows
Where red roses
Bloom under a blue sky
I believe in
A beautiful world


"A Beautiful World" first appeared on
emanilapoetry.com and is reprinted here with
consent of emanila.com pty ltd.

"Nasaan Ka Na Herbert S.?"

Nasaan ka na Herbert S.?
Saang pagkakataon
Nga ba tayo naghiwalay?
Ikaw Herbert S. na
Kaibigang tunay
Hindi ko alam kung
Kaibigan mo nga ako
Ang masasabi ko lang
Ikaw ay kaibigan ko
Alam na alam ko
Ang naging galit mo
Sa hindi ko malaman
Siguro sa mundo
Maawa, maawa
Ang langit sayo
Maawa rin Siya
Sa mapanghusgang
Mga tao
Nagrebelde ka
Siguro'y nagpakagago
Siguro rin ako'y
Nagiging eksaherado
Bali-balita lang
Ang naririnig ko
Hindi ko alam
Kung lahat ay totoo
Sana magkausap
Naman ulit tayo
Mga dati mong kaibigan
Narito pa rin
Para sayo
Pag-asa ay lagi
Laging bitbitin mo
Ang buhay ay ganyan
Huwag kang magpatalo


"Nasaan Ka Na Herbert S.?" first appeared on
emanilapoetry.com and is reprinted here with
consent of emanila.com pty ltd.

"Kung Alam Mo Lamang"

Kung alam mo lamang
Kung gaano kita minahal
Kung alam mo lamang
Kung gaano ako nasaktan
Di naman ako nagagalit
Ni hindi nagtatampo
Ang sa akin lang naman
Ay kung sakaling alam mo
Kung alam mo lamang
Na walang nagdaang araw
Na ang iyong mukha
Sa isip ko'y di natanaw
Kapag naririnig ko
Ang tinig mo
Napapawi lahat
Ng kalungkutan ko
Kahapon at bukas
Kaya kong iwaksi
Para sa kasalukyang
Ikaw ay katabi
Ngumiti ka lamang
Ligaya ko'y walang paglagyan
Sa pagtawa mo nga'y
Para na akong lumulutang
Kung alam mo lamang
Ang nagawa mong pagbabago
Nang ikaw ay dumating
Sa buhay kong ito
Wala nang hinangad kundi
Pag-ibig mo
Wala nang pinangarap
Kundi pagsinta mo
Inaamin kong ako'y nasaktan
Nasaktan, nasaktan
Nalungkot, nasugatan
Gumulong sa lupa
Ang kulang na lamang
Kung alam mo lamang
Kahit di ka lumisan
Pakiramdam ko pa rin
Ako'y iyong iniwan
Pangako sa sarili
Magkakasya na lamang
Sa pagkakaibigan na
Ipinagdamot mo'y
Hindi naman
Nung umpisa pa lamang
Itinuring na akong kaibigan
Kaya nga humanga
Sa taglay mong kabaitan
Likas na marahil
Sa iyo ang kabanalan
Kaya't sandali lamang
Paghanga ko'y
Naging pagmamahal
Hay, pag-big
Anong saklap, anong hiwaga
Kulang na lamang
Ako'y tumawa't lumuha
Ako nga ba ay mayroon
Mayroon bang magagawa
Kung tayong dalawa
Ay hindi itinadhana
At saan natatapos
Natatapos kaya
Ang pag-ibig na minsang
Ako ay kinutya
Kung alam mo lamang
Itong isinusulat kong tula
Ay ayaw matapos
O bakit kaya?
Gaya na rin siguro
Ng pag-ibig kong aba
Hirap na wasakan
Ang paghawak sa pag-asa
Pag-asa, pag-asa
Hanggang kailan kaya?
Sana'y tumagal pa
Ngayong alam mo na...


"Kung Alam Mo Lamang" first appeared on
emanilapoetry.com and is reprinted here with
consent of emanila.com pty ltd.

"Tinulungan Ako Ng Ulan"

Umulan
Malakas na ulan
Bumuhos ang langit
Nakisabay ako
Lahat ng aking luha
Ay naibuhos na rin
Salamat sa ulan
Tinulungan niya akong sumigaw
Humampas ang hangin
Sa lahat ng bagay
Naihagis ko na rin ang lungkot ko
Sa kahit saan, sa kawalan
Ang malamig na hangin
Na rin ang pumatay
Sa aking nararamdaman
Para sa iyo
Salamat sa ulan
Salamat sa ulan...


"Tinulungan Ako Ng Ulan" first appeared on
emanilapoetry.com and is reprinted here with
consent of emanila.com pty ltd.

"Hihintayin Kita"

Nasaktan nga ba ako?
Nang sabihin mong puso mo
Ay pagmamay-ari na ng iba
Siguro ay nasaktan ako
At kahit gustong gusto kong
Isigaw na nasaktan ako
Ay hindi ko pa rin magawa
Sapagkat ang tanging
Tunay na makasasakit sa akin
Ay ang makita kang lumuluha
Masaya ako para sa iyo
At magdaan man ang panahon
Kahit ako'y makalimutan mo
Asahan mong ikaw
Ay mananatili sa puso ko
Hihintayin kita
Kung hindi man sa panaginip
Kahit sa langit
Hihintayin kita
Sapagkat kahit isang butil
Man lamang ng iyong pag-ibig
Kahit isang iglap ng iyong halik
Ang ipagkaloob sa akin ng tadhana
Ay ipagpapalit ko
Ang walang hanggan
Hihintayin kita
Kung hindi man sa panaginip
Kahit sa langit



"Hihintayin Kita" first appeared on
emanilapoetry.com and is reprinted here with
consent of emanila.com pty ltd.

"Listen"

All I want you to do
Is to listen
Can you hear my voice?
I do not speak all the time
But most of the time I do
But you do not listen
Now, just this time
Listen

I am someone you do not know
I am a poet
I am a human being
I write about what I feel
You may or may not understand me
You may think I am stupid
But I thank you
You are still there
Listening

I am your mother
I may not know many things
About your generation
Or about you
But I love you
I will not tell you things
That will hurt you
And if I did
It means I love you more

I am your father
I will not tell you things
That will discourage you
Or make you think that you are
Insignificant
And if I did
I did not mean it

I am idealism
I am the almost perfect world
I am a truly free country
A happy family
A beautiful face and soul
A responsible genius
I am world peace
You may not believe in me now
But I will hope
I will wait

I am anybody
I am a stranger
I am a relative
An acquaintance
A friend
I am a fellow human being
You may not trust me
But I am always hoping you would
I can love, too
I have an opinion, too
I have cried and laughed
I also have a story to tell

I am you
You may not realize my value
You may sometimes think
That I am not important
That I'm too young to do things
Or too old to dream
That my life is mediocre
That I will die
Without fame or fortune
But deep inside me
I want to believe
And I know
That I have a purpose



"Listen" first appeared on
emanilapoetry.com and is reprinted here with
consent of emanila.com pty ltd.

"Paglalayag Sa Ibabaw Ng Kape"

Sa pag-ihip ng malamig na hangin
At kulimlim na nagdadala sa atin
Sa iba't ibang ideya at damdamin
Natin sinisimulang lakbayin
Ang daigdig ng mga antukin

Kaysarap magsagwan sa ilalim ng buwan
Habang kapeng umuusok ay ating tangan
Kaysarap namnamin ng ngiti mong matamis
Mata mong anong pungay
Tinatanggal ang aking hapis

Kayrami na nating napupuntahan
Pag-ibig, buhay at iba pang kakornihan
Halakhak mo minsan ay umaalingawngaw
Maya-maya mata mo ay di ko na matanaw
Nakayuko ka lamang at di gumagalaw

Lumubog lumitaw ang balsang usapan
Bumilis bumagal ang andar ng kwentuhan
Lumalim bumabaw ang tubig na paksaan
Kapeng iniinom natin na para ring kaibigan
Ang sya ring dagat na ating pinaglalakbayan


"Paglalayag Sa Ibabaw Ng Kape" first appeared on
emanilapoetry.com and is reprinted here with
consent of emanila.com pty ltd.

"The Atom Of Your Existence"

It's as if
All the beauty in the world
Converged
Into the atom of your existence
And within a fraction of a second
I saw everything
Heard everything
Touched everything
And suddenly
I saw the universe in your eyes
And a blink from it
Became my eternity...


"The Atom Of Your Existence" first appeared on
emanilapoetry.com and is reprinted here with
consent of emanila.com pty ltd.

"Kung Sa Kinikitang Salapi"

Kung sa kinikitang salapi
Nasusukat ang pagwawagi
Kung sa kinikitang salapi
Natitimbang ang galing at puri
Paano na ang traysikel drayber
Na madilim pa ay namamasada na
Upang kumita ng kaunting barya
Pambili ng bigas at tinapa
Na kakainin ng kanyang pamilya
Mahihiya rin siguro
Ang tindero ng taho
Na nagkakandakuba maghapon
Upang anak at asawa'y di magutom
Sa impyerno na ba mapupunta
Ang bata na nagtitinda ng sampagita
Kinikita nya ay kulang pa
Na pambili ng sapin sa paa
Magiging sukdol ang kabanalan
Ng mga pulitikong swapang
O ng ilang mga businessman
Na ubod ng yaman
Na ang puhunan pala
Ay dugo at kadayaan
Kung sa kinikitang salapi
Nasusukat ang galing at puri
Ganito nga siguro ang mangyayari
Mabuti na lamang at hindi
Sapagkat may tinatawag rin tayong
Dangal at malinis na budhi


"Kung Sa Kinikitang Salapi" first appeared on
emanilapoetry.com and is reprinted here with
consent of emanila.com pty ltd.

"Hindi Napupulot Ang Karanasan"

Hindi napupulot ang karanasan
Hindi nililipad ng hangin
Sa ating harapan
Hindi natatalisod sa daan
Iba iba ang ating natatagpuan
Sa paglalakbay natin sa kalawakan
Mga hilaw na nakaraan
Butil ng gunita at usapan
Mga piraso ng tawanan
Hikbi, iyak, damayan
Umaraw man o umulan
Lindol, baha at digmaan
Mga hilaw na bubog ng karanasan
Ang ating dinadala't iniiwan
Dadaan muna sa init ng isipan
Pagmumuni at kabanalan
Bago sila maging karanasan
Na magagamit sa pakikipagsapalaran
Sa buhay, pag-ibig, pakikipagkaibigan
Hindi napupulot ang karanasan


"Hindi Napupulot Ang Karanasan" first appeared on
emanilapoetry.com and is reprinted here with
consent of emanila.com pty ltd.

"Ipinanganganak Ang Mga Tula"

Nang bumulong ang puso
Nang mangalabit ang isip
Nagtalik ang ideya at damdamin
Naghalikan ang teorya at pananampalataya
Sumirit ang mainit na emosyon

At sa karimlan ng pagdadalamhati
Sumabog ang hiwaga ng imahinasyon
Nagsanib ang mga punla
Ng iba't ibang karanasan at paniniwala
Hanggang sa mabuo ang isang tula

Ilang buwang inalagaan sa sinapupunan
Ilang taong hinubog ng mga karanasan
Kaytagal hinintay ang pagkasulat, kapanganakan
Wala pa man sa papel o limbagan
Anak nang itinuring ng makatang hinirang


"Ipinangangak Ang Mga Tula" first appeared on
emanilapoetry.com and is reprinted here with
consent of emanila.com pty ltd.

"It's You"

Maybe it's the way you smile
No, not maybe, it's the way you smile
It's the way you laugh
It's how you press "ENTER"
in the computer keyboard
Or the way you pick up the phone
It's how you talk
Or the way you walk
It's the way you tell a joke
Or the way you appreciate one
It's how you keep silent
It's the unpredictability
of your sweetness
It's your friendliness
It's what people say about you
It's what people do not say
about you
It's how bad I can miss you
Or how good it feels when I
see you
It's how you look
Or the way you look
It's your eyes
Definitely your eyes
It's what I know about you
It's what I don't know about you
It's your name.
It's your hands.
It's your hair.
It's you.


"It's You" first appeared on emanilapoetry.com and is reprinted here with consent of emanila.com pty ltd.

Larawan Ko

Ako habang nakaupo sa isang bato, sa ilalim ng isang talon, sa ibabaw ng isang bundok sa Pilipinas.

"Hindi Kita Matingnan Sa Mata"

Batang paslit
Na nagtitinda ng sampagita
Sa tabi ng kalsada
Hindi kita matingnan sa mata

Matandang babaeng namamalimos
May kargang batang musmos
Gutom at nabubuhay sa kaunting barya
Hindi kita matingnan sa mata

Rugby boy
Payat ka, marumi at palaboy
Isip at katawan mo'y sinira ng droga
Hindi kita matingnan sa mata

Lalaki sa salamin
Ano ang iyong mga adhikain?
May ginawa ka na ba para tulungan sila?
Hindi kita matingnan sa mata


"Hindi Kita Matingnan Sa Mata" first appeared on emanilapoetry.com and is reprinted here with consent of emanila.com pty ltd.

"Ang Pinakamahabang Tula"

Bakit hindi maari
Na ikaw ay kabigha-bighani
Kung mangyayaring
Lahat ng bagay sa mundo
Ay kabigha-bighani rin naman?
Dito tayo tumigil
Dito tayo huminto
Saan ito patutungo?

"Unang Ulan Ng Mayo"

Kaysarap.
Kaylamig.
Muling umulan.
Muling nabuksan.
Ang kahapon, ang nakaraan.
Aking natanaw, malinaw,
Ang bukas.
Ang hinaharap.
Ulan, anong hiwaga ang taglay mo?
Ulan, pagkatapos ng mahabang tag-init.
Init ay sumingaw.
Napawi ang uhaw.
Ng ilog, ng damo, ng mga bulaklak.
Ng aking kaluluwa.
Ng aking isip.
Mga pangarap ay muling umandap.
Nagliwanag.
Lamig ng hangin.
Patak ng ulan.
Kulimlim ng himpapawid.
Mga basang kakalsadahan.
Lamig. Malamig. Maginaw.
Yakapin mo ako.
Mahal ko, yakapin mo ako.
Pangarap, hanapin mo ako.
Ulan, hugasan mo ang aming buhay.
Linisin mo ang aming mga takot.
Lunurin mo ang aming mga galit.
Pawiin mo ang uhaw
Ng aming mga puso.



"Unang Ulan Ng Mayo" first appeared on emanilapoetry.com and is reprinted here with consent of emanila.com pty ltd.

"Tunay Na Pag-ibig"

Parang sirang TV
Lalo na pag walang keybol
Pag-ibig na tunay
Malabo

Parang Hapon na nag-i-Ingles
O kaya ay babaeng mayroon
Pag-ibig na tunay
Hindi maintindihan

Parang ewan
Parang kabaklaan
Pag-ibig na tunay
Hindi sigurado

Parang ganda o talino
Kung alin ang pipiliin mo
Pag-ibig na tunay
Nakalilito

Parang konsepto ng Diyos
Malabo, hindi maintindihan,
Hindi sigurado, nakalilito
Pag-ibig na tunay
Pananampalataya sa mahal mo...


"Tunay Na Pag-ibig" first appeared on emanilapoetry.com and is reprinted here with consent of emanila.com pty ltd.

"Simula"

Kailangan kong magsimula
Ng Diyos
Ako'y tulungan nawa
May mga bagay na
Kailangang mawala

Hindi laging dumarating
Ang oportunidad sa atin
Hindi laging maliwanag
Ang sikat ng araw
Bawat segundo
Ituring na huling yugto
Ng pagkakataong magbago
Magsimula
Bumangon
Sa pinanggalingan
Huwag limuting lumingon

Itanong sa sarili
Anong mga bagay ang mas
mahalaga?
Mag-isip
Langhapin ang sariwang hangin
Namnamin ang tamis ng buhay
Subalit isipin rin na
Hindi laging tag-araw
Sapagkat darating
At darating ang ulan
Ang unos
Ang dilim
Maging handa

Simula
Kailangan kong magsimula
Huwag maging pabaya
Tipunin lahat ng biyaya
Huwag tumunganga
Magsimula
Gumising
Lumakad
Tumakbo
Lumipad
Abutin ang pangarap
Na hinahangad


"Simula" first appeared on emanilapoetry.com and is reprinted here with consent of emanila.com pty ltd.

"Wala"

Wala akong maisip na tula
Wala akong maisip na kataga
Parirala, salita
Kuko, paa...
Walang tugma
Hindi napag-isipan
Chaos
Magulo
Latang-lata ako
Isip ko
Ako
Mundo ay
Kulay abo
Bakit kaya
Kailangan nga bang laging
May saysay
Ang mga bagay
Baligtaran
Simile
Metapora
Kausapin mo ang isang tao
Magpaliwanag
Walang ligoy
Tuwid
Walang pasaring
Mabuhay nang masaya
Lumigaya
Piliin ang katotohanan
Sinong kausap ko?
Ako
Ikaw
Tayo
Yung paa ko
Bolpen, papel
Inaantok na ako

"Ang Ating Sandata"

Kailangan nating lumaban
Paghihirap natin ay wakasan
Labanan ang katiwalian
Labanan ang kahibangan

Sandata natin ay nag-aapoy
Sandata natin ay makapangyarihan
Lumiliyab sa dilim
Bunga ng masidhing damdamin

Pag-ibig namin sayo
Pag-ibig na totoo
Magkaisa, magsakripisyo
Susulong na tayo

Sugod na sa labanan
Sugod na sa digmaan
Wakasan ang kahirapan
Wakasan ang kamangmangan

Sasabog na ang taumbayan
Bubulusok ang katarungan
Inaping sambayanan
Matututong lumaban

Pag-ibig namin sayo
Pag-ibig na totoo
Sandata ng pagbabago
Laban pa, bayan ko...


"Ang Ating Sandata" first appeared on emanilapoetry.com and is reprinted here with consent of emanila.com pty ltd.

"Sa Isang Iglap, Nababago Ang Lahat"

Sa isang iglap
Nagsayaw ang mga planeta
Sa isang iglap
Isip ko'y lumipad
Isang segundo
Isang kurap
Sa pagtama ng isang patak ng tubig
Sa isang butil ng buhangin
Sa pagsapol ng isang hibla ng liwanag
Sa isang piraso ng tuyong kahoy
Oo, isang iglap
Isang iglap lamang
Ay mararamdaman kong mahal kita
Isang iglap lamang
Ay maililigtas natin ang kalawakan
Isang iglap lamang
Ay mawawala ang kahirapan
Isang iglap lamang
Ay magiging reyalidad ang ideyalismo
Kung sabay sabay tayo
Kahit isang iglap
Ay mababago ang mundo
Kung sabay sabay tayong
Magmamahal
Rerespeto
Sa isang iglap, nababago ang lahat...


"Sa Isang Iglap, Nababago Ang Lahat" first appeared on emanilapoetry.com and is reprinted here with consent of emanila.com pty ltd.

"Pilipinas, Daigdig, Kalawakan"

Sabay tayong sumubo
ng gulay
Sa daigdig
Na aking tinalikuran
At iyong hinarap
Kayrami mong nakita
Sa daigdig na mahiwaga
Ngunit sa Pilipinas
ay ikaw lamang ang
tangi kong nakikita
Sa pagyanig ng lupa
Ay napapatawa ka
Maraming anghel na
bumaba sa daigdig
upang magpalakas
Nakatitig tayo sa isa't isa
Pinipilit kitang
isama mo rin ako sa daigdig
na iyong nasasaksihan
Subalit pinili kong
manatili na lamang sa
Pilipinas
Kunsabagay, madalas naman
akong maglakbay sa kalawakan
Lalo na sa paglubog ng araw
Mga anghel, kabigha-bighani
Lalo na ang anghel na maitim
Sabay tayong umalis sa Pilipinas
At nakita ko rin ang daigdig
Bukas, maglalakbay tayo sa kalawakan...

"Tag-araw"

Nanunuyong lalamunan
Mainit na kapaligiran
Hindi ko alam kung bakit
Siguro nagkataon lang

Tuyot na mga bukirin
Bakit isip ko'y tuyot din?
Pagdaloy ng ilog ay tumigil
Mga salita, naglalaho rin?

Marahil abala lamang ako
Sa trabaho at kung anu-ano
Marahil din ay sadyang ganito
Nagtatampo ang kaluluwa ko

Tampisaw sa pawis
Swimming sa init ng araw
Patak patak na parirala
Mga uhaw na salita

Tag-araw ng Pilipinas
Tag-araw rin ng isang makata
Ngunit kung puro tag-ulan nga naman
Walang singaw na aakyat sa kalangitan

"Ng Bakit Kung Ako Tula Nagsusulat"

Hindi upang hindi maintindihan
Kundi upang di maging tahasan
Na ipahayag ang mga kahulugan
Nang sa gayon ay mapag-isipan

Sapagkat kung pagsubok ay di dragon
At kung hindi bundok, hindi daluyong
Kung mga pangarap ay di bituin
Tula ko kaya'y inyong pansinin?

Nagsusulat ako ng tula
Sapagkat ako'y isang tao
Lahat ng tao ay gumagawa ng mga tula
At kung di man nasusulat, mananatiling tula.


"Ng Bakit Kung Ako Tula Nagsusulat" first appeared on emanilapoetry.com and is reprinted here with consent of emanila.com pty ltd.

"I Was A Writer"

I was a writer
Now I am a pen
An invisible hand writes
It uses many pens
I am one of those pens
All of us are pens
But not all realize
That we are just pens
Some think they are writers
But actually, there is only one writer
A very good writer He is
Are you still a writer?
Or are you a pen?


"I Was A Writer" first appeared on emanilapoetry.com and is reprinted here with consent of emanila.com pty ltd.

"As x Approaches Infinity"

Let y be the number of
leaves falling from a tree
Let z be the number of
times we kissed each other
Assuming y plus z equals nothing
What is the limit of x plus y plus z
As x approaches infinity?
What is x?

"Isang Libong Tula Sa Loob Ng Isang Segundo"

Eto na
Sasabog na
Nakahanda na ang mga sandata
Hinihintay na lang ang senyas
Ng mga trumpeta
Lalarga na
Malapit na
Nakita mo yon?
Wala na
Tapos na.

"Prove That Otherwise Is False"

Is there God?
I can't prove there is.
But to prove that it is impossible
That there is none, is easy
I claim that it is not true
That there is no God
Then let us assume that that
is the case
That there is no God
Who created the Earth?
A human being couldn't have done so
God certainly didn't create it
For we now believe there is no God
So who created the Earth?
Who makes it revolve around the sun?
Who created the planets?
Who created the stars?
Who makes the flowers bloom?
Who colored the sky blue?
Who colored the rose red?
Who makes people fall in love?
Aliens perhaps?
What if God is an alien after all?
Now you have to prove
that otherwise is false...

"The Very Meaning Of Our Lives"

Umiinom tayo ng kape
Napipi ng malinaw na salamin
Ang maiingay na mga sasakyan
Na nag-uunahan, nagdadayaan,
nagsisingitan
P_t_ng_n_ng kape!
Bakit sobrang init ng kape!
Ang buhok mo, hindi mo na
naman sinuklay!
Tinanong kita:
"Pumasa ka ba sa exam nyo kanina?"
Ang sabi mo:
"The very meaning of our lives."
P_t_ng_n_ mo!
Malabo ka pa sa supot na labo!
Ang sabi mo ulit:
"The very meaning of our lives."
Muntik na akong mapa-tumbling.
Ang labo mo kasi.
Nagsalita ka ulit:
"Sabi yon ni Morpheus
sa pelikulang The Matrix.
Tingnan mo ang mga sasakyan
Hindi ba ang gago nila?"
Sabi ko "Oo."
"Mali", sabi mo
"Ang tunay na gago ay ang
nagmamaneho ng mga sasakyan."

"Tele, Bisyon"

Balita, telenobela, patalastas
Kuryente, ilaw, ingay
Mata, tainga, isip
Puso
Telebisyon
Tele, bisyon
Samu't-saring imahe
Iba't ibang pananaw
Mga katotohanan
Mga kasinungalingan
Kaysarap manood
Kaysarap maglakbay
Kaysarap kumawala
Sa putang inang buhay
Tele, bisyon
Katotohanan
Kasinungalingan...




"Tele, Bisyon" first appeared on emanilapoetry.com and is reprinted here with consent of emanila.com pty ltd.

"I Love You"

I love you
This is not a virus

I really love you

I know you know it's true

And it makes me happy

Knowing you know i love you

And when you are happy

I am happy too

I love you

"Ang Tulang Walang Pamagat"

Masaya ako
Hindi ko alam kung bakit
Marahil dahil sigurado ako
Na ako'y mahal na mahal mo
Hindi ako mahilig tumula
At hindi ako mahilig gumamit
ng elipsis sa tula...
Mas lalong hindi ako sarkastiko
Hindi hindi
Hindi rin ako redundant
Hinding hindi
Lagi akong bitin magsulat ng tula...



"Ang Tulang Walang Pamagat" first appeared on emanilapoetry.com and is reprinted here with consent of emanila.com pty ltd.

"May Mga Bagay Na Hindi Dapat Pag-isipan"

Ang tuyot na dahon
Sa ihip ng malikot na hangin
Ayaw ko nang uriratin
Kung saan siya nanggaling
Siya'y dahon na tuyot
Sapagkat siya'y dahon na tuyot
Kung paano, saan at bakit siya umiiral
Dapat ba talagang malaman?
Madalas ang tama ay nagiging mali
At ang mali ay nagiging tama pa
Sapagkat ang ilang mga tao
Masyadong nagmamatalino
Sinusunod lagi ang sariling prinsipyo
Gumagawa ng sarili nilang mga batas
Walang Diyos na sinasamba sa itaas
Gustong alamin ang lahat ng bagay
May sagot nga ba sa lahat ng katanungan?
Kapag tayo ba ay nagmamahal?
Nasusukat ba ng mga dangkal?
Naaarok ba ng lohika
Ang pag-ibig, ang kaluluwa?
May mga bagay na hindi dapat pag-isipan
May mga bagay na dapat pakiramdaman lang
Sapagkat tayo'y di mga Diyos
Tayo'y mga tao lamang...




"May Mga Bagay Na Hindi Dapat Pag-isipan" first appeared on emanilapoetry.com and is reprinted here with consent of emanila.com pty ltd.

"Sabay Tayo"

Masdan mo ang mundo
Ang mundo sa labas ng mundo mo
Silip na sa bintana
Bintana ng katotohanan
Bintana ng lipunan

Magliliyab na tayo
Sabay tayo
Babaguhin natin ang mundo
Sabay tayo

Lilipad tayo sa kalawakan
Sisisid tayo sa kamalayan
Kamalayan ng ating bayan
Makikialam sa lipunan
Lipunang ating ginagalawan

Sisigaw tayo
Sabay tayo
Pakikilusin natin ang mga tao
Sabay tayo

Hahawiin natin ang maiitim na ulap
Ulap na sumusulasok sa bayan
Ulap ng katiwalian
Ulap ng kamangmangan
Lalaban tayo ng patayan

Aahon tayo sa putik ng kahirapan
Sabay tayo
Huhulihin natin ang mailap na kapayapaan
Sabay tayo

Tara na, sabay tayo
Sama na, sabay tayo
Kilos na, sabay tayo
Ahon na, sabay tayo...

"Mga Iniisip Ng Isang Tsinelas"

( )

"Mga Iniisip Habang Nagtu-toothbrush"

(eto na
ano ang iniisip ko
naisip ko na to
isusulat ko to
ang title nito
mga iniisip habang
nagtu-toothbrush
pano kaya yon
ano ang iniisip ko ngayon
ano nga ba?
toothbrush
bula
abot kamay ang langit
ang kati ng braso ko
nako!
bakit ang naiisip ko
ay kung ano ang
mga iniisip ko
naiisip ko ang naiisip ko
kinakain ako ng mga
iniisip ko
kahol ng aso
yung gate baka bukas
clorox
clorox
amoy clorox
nakakasuka!)


"Mga Iniisip Habang Nagtu-toothbrush" first appeared on emanilapoetry.com and is reprinted here with consent of emanila.com pty ltd.

"Ang Saya Ng Buhay"

Kung minsan naiisip ko
Lagi na lang bang ganito
Ako ay batong bato
Nahihibang na yata ako
Paulit-ulit ang araw ko
Paulit-ulit ang araw ko
Paulit-ulit ang araw ko

Wala na bang bago
Bago sa pag-iral ko?
Ngunit ngumiti ka lamang
Pait ng buhay ay tumatabang
Halakhak mo ay anghel ko
Dinadala ako sa langit
Puso ko'y sinusungkit

Ang saya ng buhay!
Ang saya ng buhay!
Lalo't kapiling ka
Bawat sandali ay mahalaga
Bawat saglit ay anong ligaya
Nawawala lahat ng problema
Buong kalawakan ay nagsasaya
Tumitigil ang pag-andar ng oras
Kapag hawak ko ang iyong palad
Huwihiwalay tayo sa magulong mundo
Binabalot ako ng pagmamahal mo

"Sa Ilalim Ng Papalubog Na Araw"

Isang hapon
Sa ilalim ng papalubog na araw
Naglalakad ako papunta sa ilog
Kasama ang aking nakababatang
kapatid na babae
Malamig ang simoy ng hangin
Hindi tanaw ang araw
dahil sa bahagyang makapal na ulap
Papalubog na ang araw
Palukso-lukso ang kapatid kong babae
Marahang dumarampi sa aking
mukha ang malamig na simoy ng hangin
Pagkatapos
Sa isang iglap
Sumabay sa araw ang isang batang lalaki
Kasabay siyang lumubog ng araw
Ang batang lalaki ay tila kilala ko
Pagkatapos ay parang may narinig akong tawanan
Mga tawanan ng aking mga kalaro dati
Mga imahe
Takbuhan
Pag-akyat sa puno
Kagalakan sa lahat ng bagay
At pagkatapos
Kadiliman
Lumubog na ang araw

"Bagong Taon, Bagong Buhay?"

Malapit nang malagas
Mga huling araw ng taong lilipas
May mga bagay na matatapos
May mga bagay na magsisimula
Mga puso’t damdamin
Nagagalak sa bagong taong darating
Malapit na ang panahon ng pagbabago
Sa paparating na taong ito’y
Pagbubutihin ko

Gigising na ng maaga
Mga deadlines ko ay susundin na
Bagong hairdo ay isasakatuparan
Crush ko sa kanto ay liligawan
Manok sa Bugong akin nang titikman
Babasahin na ang bagong nobela
Aaralin na ang bagong kanta
Mas magiging palakaibigan na
Yung kaaway ko ay ngingitian pa
Mamasdan nang parati
Sinag ng araw sa umaga
Malamig na simoy ng hangin
Akin nang lalanghapin
Mag-eexercise na
Tuwing linggo palagi nang magsisimba
Sa gabi ay magdadasal na
Sa umaga magtotoothbrush na (joke)

Kayraming gustong gawin
Sa taong darating
Ngunit tuwing bagong taon lang nga ba
Ang ating damdamin ay dapat sumigla?
Tuwing bagong taon lang nga ba
Mas magandang magsimula?
Panahon ay lumilipas
Mga segundo’y nawawaldas
Bawat saglit ay mahalaga
Kahit bagong taon ay malayo pa
Mga ibig gawin ay gawin na
Mga pangarap ay isabuhay
Mga tula ay isulat
Mga pag-ibig ay ipagtapat
Mga awit ay awitin
Mga pasasalamat ay sambitin
Tunay na bagong taon ay ngayon din.
Bagong buhay, kahit kailan ay pwedeng kamtin.

"Salamat Sa Pasko"

Salamat sa parol
Salamat sa christmas tree
Salamat sa mga liwanag
Salamat sa mga dilim

Salamat sa keso de bola
Salamat sa tinapa
Salamat sa regalong tasa
Salamat sa regalong pantasa

Salamat sa ngiti
Salamat sa kwento
Salamat sa yakap
Salamat sa halik

Salamat sa malamig na hangin
Salamat sa musikang pamasko
Salamat sa aming tahanan
Salamat sa aking pag-uwi

Salamat sa pag-asa
Salamat sa pagbabago
Salamat sa pagpapatawad
Salamat sa pag-ibig

Salamat sa langit
Salamat sa lupa
Salamat sa puno
Salamat sa paruparo

Salamat sa mga taong mahal ko
Salamat sa bigay mong regalo
Salamat sa pagbati mo ng maligayang pasko
Salamat sa iyo

Salamat sa Diyos
Salamat sa mundo
Salamat sa buhay
Salamat sa pasko

"Tula Mula Sa Isang Basong Alak"

Umiinom ako ng alak
Nang biglang bumulwak mula sa alak
Ang isang inaantok na tula
Malamya ang kanyang kilos
Mapungay ang kanyang mga mata
Marahan ang kanyang pagsasalita

Mapait ang alak
Ngunit mas mapait ang tula
At sa gayong kadahilanan
Ay tumamis ang alak
Walang bahid ng tamis
Walang bakas ng tabang
Ang tula mula sa isang basong alak

Habang unti-unting nauubos ang alak
Ay unti-unti namang sumisigla ang tula
Nagiging malikot
Nagiging masalita
Parang nalalasing ang tula
Ngunit marahil ay ako ang nalalasing
Hindi sa alak, kundi sa tula

"Bumagsak Ang Himpapawid"

Dinambong na mga sulyap
Ibong ligaw na di makalipad
Ipagtapat mo na sa akin
Ako'y tuliro at antukin
Gusto kong mapasaakin
Ang iyong pusong nagniningning
Bumagsak ang himpapawid
Ang puso ko'y iyong sinungkit
Ang awit mong bumihag sa pandinig
Ang bayabas sa hardin
Kumikislap sa aking paningin
Hamog na kumukumot sa bukid

"Ang Dalumat Ng Ating Pag-iral"

Sino tayo?
Tayo'y mga unggoy na naging tao.
Tayo'y mga anak ng Diyos.
Tayo'y mga kimpal ng tubig.
Tayo'y mga libag sa balat ng lupa.
Tayo'y mga lumulutang na enerhiya.
Tayo'y mga sentimental na walang kwenta.
Tayo'y mga walang magawang puta.

Bakit tayo naririto?
Dahil tayo'y nag-iisip.
Dahil tayo'y nananampalataya.
Dahil tayo'y umiibig.
Dahil tayo'y walang magawa.
Dahil tayo'y natrapik sa kalye ng
putang inang buhay.
Dahil tayo'y iniluwa ng impiyerno.
Dahil tayo'y masyadong banal
para sa langit.

Saan tayo patutungo?
Sa impiyerno.
Sa langit.
Sa kanal.
Sa tabi ng asong nagkakamot ng bayag.
Sa loob ng TV.
Sa alaala.
Babalik sa pwerta ng ating mga ina.


"Ang Dalumat Ng Ating Pag-iral" first appeared on emanilapoetry.com and is reprinted here with consent of emanila.com pty ltd.

"Saang Sulok Ko Isusuksok Ang Aking Pag-ibig?"

Saang sulok?
Saang sulok?
Saang sulok ko isusuksok
ang aking pag-ibig?
Saang lugar tayo maaaring
magmahalan
Nang walang hahadlang
At walang makikialam?
Saang sulok ng isipan?
Saang sulok ng puso?
Saang sulok ng pang-unawa
Natin matatagpuan
Ang paraiso ng ating pagmamahalan?
Saan?
Oh...saan?


"Saang Sulok Ko Isusuksok Ang Aking Pag-ibig?" first appeared on emanilapoetry.com and is reprinted here with consent of emanila.com pty ltd.

"Isang Maginaw Na Umaga"

Nilalamig ako...
Nahulog pala ang kumot sa sahig
Maginaw ang umaga?
Electric fan lang pala
Ngunit maginaw pa rin...ang umaga
Masarap matulog
Nakakatamad bumangon
Maganda pa naman ang panaginip ko
Namatay daw ako
Nakita ko ang sarili ko sa
loob ng isang kabaong
Umiyak ako sa panaginip ko
Dahil kaya namatay ako?
O dahil alam kong di pa talaga ako patay?
Pumikit ulit ako
Putang inang disiplina sa sarili
Putang inang punctuality
Inaantok pa ko
Bahala na ang mundo sa sarili nya
Pero bigla kong naisip
Marami nga pala ang walang trabaho
Bakit marami ang walang trabaho?
Ah...sabi nga pala ni Rizal
tamad daw ang mga Pilipino
Tamad nga ba?
Kahit ano
Marami pa rin ang walang trabaho
Ano kaya?
Matutulog kaya ulit ako?

"Happiness Is..."

Happiness is an extra gravy
A simple smile
A shiny shoe
A soft pillow at night

Happiness is a cup of coffee
A morsel of bread
A clean shirt
A foggy morning

Happiness is a beautiful quotation
A "hello"
An "I miss you"
A "how are you?"

Happiness is a prayer
A "thank you"
A "good job!"
A "take care"

Happiness is a drop of rain
A ray of sunlight
A falling leaf
A gentle breeze

Happiness is a cherished memory
A clean conscience
A helping hand
A kind word

Happiness is truth
Happiness is love
Happiness is faith
Happiness is every kind, good and simple
things most of us take for granted.....


"Happiness Is..." first appeared on emanilapoetry.com and is reprinted here with consent of emanila.com pty ltd.

"Mabango Ba Ang Tao Ng Tae?"

Mabango ba ang tao ng tae?
Mabaho ba ang halaman ng bulaklak?
Madilim ba ang araw ng sinag?
Maliwanag ba ang panahon ng ihip?

Masarap ba ang sikmura ng kalam?
Masakit ba ang ina ng halik?
Mapait ba ang dalaga ng ngiti?
Matamis ba ang kapalaran ng andar?

Mura ba ang buhay ng halaga?
Mahal ba ang pangarap ng presyo?
Mapangit ba ang Diyos ng nilikha?
Maganda ba ang kasalanan ng paggawa?

Matapat ba ang ating bansa sa mga pulitiko?
Mapagpanggap ba ang bata ng salita?
Maayos ba ang Pilipino ng maraming buhay?
Magulo ba kung may puso sa patriyotismo?

Madalang ba ang ulan ng patak?
Madalas ba ang tao ng pagdarasal?
Malinis ba ang konsensya ng bulong?
Marumi ba ang epekto ng gobyerno sa pakikialam?

Malapit na ba ang bayan ng pagbabago?
Malayo pa ba ang bayani ng mga paglitaw?
Maaliwalas ba ang kasinungalingan ng landas?
Masukal ba kung may taongbayan ang malasakit?

"Ang Mahiwagang Pantas"

Karimlan...
Binalot ng dilim ang
Mga paraisong parisukat
Mga puno ay naging
Mga diwata
Sa isang kaharian
Nagtipon ang mga pantas
Nagkaroon ng pagtatalo
At lahat ay nagwagi
Nagtalik ang mga
Diwata at pantas

Sa isang bilangguan
Na puno ng mabaho at
Maitim na usok
Isang uri ng usok
Na buhay at kumakapit
Sa kaluluwa ng sinumang
Mapasok dito
Nakapiit ang ibang mga pantas
Maraming rin ditong nagaganap
na mga pagtatalo
May mga nagwawagi
May mga natatalo

Ngunit sa isang payak na hardin
Na nasa ituktok ng
Naglalakbay na maputing ulap
Dito madalas matagpuan
Ang isang mahiwagang pantas
Sa harding ito niya
Nakakasalimuha ang iba't ibang
Pantas na tulad niya'y
Mahihiwaga rin naman
Minsan lamang ang mga pagtatalo
Subalit masisidhi at
Nakaririmarim ang mga
Minsanang pagtutunggaling ito

Sa bandang huli
Pinili ng mahiwagang pantas
Na manatili na lamang
Sa hardin sa ibabaw ng ulap
Sapagkat dito ay may
Malalalim na kahulugan ang
Mga pagtatalong kaniyang
Kinasangkutan...

"Ang Pagiging Bughaw"

Tumapak ako sa lupa
At may bughaw na katas
ang sumuot sa aking talampakan
Unti-unti naging bughaw ang
aking paa, pagkatapos ay
Ang aking binti
Hanggang sa maging bughaw ang
buo kong katawan
Naging bughaw ang aking
Kaluluwa
Bughaw na rin ang lupa
Dati nang bughaw ang langit
Mga puno'y bughaw
Mga tao'y bughaw
Lahat ng bagay ay naging bughaw
Natakot ako
At hindi ko alam kung bakit
Dahil kaya bughaw na ang lahat ng bagay?
O dahil dati ay hindi sila bughaw?
Gusto kong mawala ang pagkabughaw
Ngunit kailangan ko munang
Hindi maging bughaw
Ngunit ano ang aking gagawin?
Kailangan kong isipin...

"Buhay Ay Di Pelikula"

May kanta ba kapag nagtatagumpay?
May tugtog ba ng tambol kapag may
naghahabulan sa kalsada?
Sumasabay ba ang ulan sa
tampuhan ng magkasintahan?
Sumisirit ba ang dugo kapag
nasusugatan?
Buhay ay di pelikula.
Lagi bang nasosolusyunan ang problema?
Lagi bang nagbabago ang mga tao?
Lagi bang yumayaman ang mahihirap?
Walang magic.
Buhay ay di pelikula.
Kailangan bang umiyak kapag may
namatay na kamag-anak?
Kailangan bang parangalan sa
entablado kapag gumawa ng mabuti?
Mga gwapo't magaganda lang ba
ang may tunay na pagmamahal?
Buhay ay di pelikula.


"Buhay Ay Di Pelikula" first appeared on emanilapoetry.com and is reprinted here with consent of emanila.com pty ltd.

"Kumakatas Na Mga Bagay"

Kumakatas na mga bagay
Kumakatas na mga bagay
Ooooohhh!
Kumakatas na mga bagay
Kumakatas na mga bagay
Aaaaahhh!
Kumakatas na mga bagay
Kumakatas na mga bagay
Hmmmmmm....
Kumakatas na mga bagay
Kumakatas na mga bagay
Araaaaayyyy!
Kumakatas na mga bagay...

"A Moron Will Not Be"

It's a secret
Just why angels are here
Could it be faith
Or senseless events
At the correct order
Or correct nonexistence
And crossings
And if a part of an Alchemist's words
Ease our existence
To transform us
Into a catastrophic explosion
Then put in your mind
God exists and a moron will be
So too will an angel be
Feel the warmth of my breath
Stop crying
Because when an impossible seems
Like a crystal
A moron will not be
From the cutter of gravity
Of your forbodings and worries
A grand source of emotion
A moron will not be
Recall how angels rejoiced
Until they became sad
At the king of moronic events
It's like ecstasy
But in every heart is where we were
We are channel seven fanatics
And though you would not comprehend
This random cohesion of our thoughts
And why it is still happening
Someday angels will cost nothing
Call to God and be imaginative
When a cigarette is consumed completely
And when you are lying
A moron will not be
When your voice is weak
I'll become weaker
A moron will not be
In my battle
Through the endless icy river
Do not be conscious
A moron will not be
When no one knows
Angels will know
A moron will not
A moron will not
A moron will not be
Be my confidant
A moron will not be...

"The Sun-started Dog Said Die Now And Be Dead"

Aliens as a dog
Force me the darkness
North Diversion
My life, I need nothing to be
With a dog
I'm a beverage in what
Began the day
I'm bad in the lonely moment
The night
Like a madman looking for you
You don't care
It's dark in here
The silly dog
It's burning like hell
You are not and i can't
Yes, you always do
That which does not exists
That's what you think i will do
If you don't love me anymore
I can't, I really can't
And all the world
And nothing
10:50 at night
To me, that which you didn't
The sun-started dog said die now and be dead
The impossible occurence in your beauty
That i behold through the post-war
The heat of your cigarette is announcing
To you and me
I can't understand why you didn't
I really never would have
What's that word
It's the effect of gravity
She's turned into an alien
She's turned into an alien
She's turned me into an alien too
The sun-started dog said die now and be dead...

"Kaharap ng Langit Na Pinili"

Pilipinas
Alahas ng direksyon ng araw
Ningas ng mapulang bagay
Kung nasaan ang pusong humihinga
Kaharap ng langit na pinili
Naghehele ka ng mga bayani
Sa Estados Unidos di ka pasasakop
Sa maraming isda at Mt. Everest
Sa nalalanghap at sa kaharap ng lupa mong
Nilalapitan ng lamok
May Maria Clarang mundo
At The Day You Said Good Night
Sa Hunyo a-doseng asawa
Ang watusi ng dapat igalang mo'y
Manny Pacquiao na bituing marikit
Ang starfish at panot nya'y MERALCO
Aming ako nang pag may Estados Unidos
Ang mapunta sa langit nang dahil sa aso...

"Srebrenica at Tinapay"

Nalalatag sa abuhing
papel
Sumusuot sa
maitim na bola
Nalalatag sa
maputing porselana
Sumusuot sa
malalim na balon

Srebrenica at tinapay!
Srebrenica at tinapay!

Tam Tininam Tininam
Tim Tananim Tananim

"Melancholic Freak"

I saw a drop of blood
Fall down from my arms
I saw humanity
Killing humanity
I saw a dog
Walking in the street
I saw myself
Looking at the mirror
Wondering what happened
Or what didn't happen
I saw a dove
Passing above a tree
I saw you
I saw you kissing me
Then i saw something
Something that caught my attention
I saw a crack
In a wall
I saw my future
I saw our future
Then i saw a child
And in his eyes
I saw a melancholic freak

"Umuwi Ka Na Baby"

Baby, umuwi ka na
Naghihintay ako
Yesterday is the day you said goodnight
Ngayon ay wala ka pa rin
Sorry, kulang lang ako sa pansin
Miss na kita
Nagdasal na nga ako sa simbahan
Kumanta ako ng Hallelujah
Hanggang kailan ako maghihintay
Baby, umuwi ka na
At sana sa pag-uwi mo
Di ka na umalis
Stay ka na lang dito
Please baby, stay...
You'll be safe here naman eh...

"Maganda Pa Ang Buhay"

Trapik na naman sa Edsa
Pamasahe ay dose pesos na
Malakas ang ulan
Naiwan ko ang payong ko
Kahapon ay maaraw
Dala ko ang payong ko
Pati na ang sombrero ko
Pati na ang jacket ko
Tambak ang trabaho pagdating sa opisina
Asyete pa lang sweldo ko'y ubos na
Pagbaba ko sa bus may tindero ng taho
Maganda pa ang buhay

"Ang Batang Walang Alam"

Tayo nang magmasid
Tayo nang makinig
Ating panandaliang sulyapan
Kilatisin at tunghayan
Ang kwento ng batang walang alam

Ang batang walang alam
Di nya alam kung siya'y nasaan
Nasaan nga ba?
Nasaan ang batang walang alam?

Ang batang walang alam
Di nya alam ang kanyang pangalan
Ano nga ba ang pangalan?
Pangalan ng batang walang alam?

Ang batang walang alam
Di nya alam kung sino ang kanyang mga magulang
Sino nga ba ang mga magulang?
Mga magulang ng batang walang alam?

Ang batang walang alam
Di nya alam sumulat, di nya alam bumasa
Bakit nga kaya?
Sumulat at bumasa ay di nya alam?

Ang batang walang alam
Di nya alam kung may kinabukasan siya
May kinabukasan nga ba?
Ang batang walang alam?

Ang batang walang alam
Di nya alam kung ano ang kanyang nararamdaman
Hindi nga ba alam ng batang walang alam
Ang kanyang nararamdaman?

Ang batang walang alam
Ano ang gusto nyang sabihin?
Ano ang gusto nyang gawin?
Sino ang nakaaalam?

"Makinanginamo"

Nagsimulang umandar ang makina
Makina ng isang mahiwagang katarantaduhan
Makinang walang kuryente
Makinang walang kwenta
Sumuot sa diwa
Sumapi sa kaluluwa
Nagsimulang mangarap
Umusbong
Lumaya...

"Jollibee"

Sa Jollibee, ako'y kumain
Isang gabi sa Philcoa
Kasama ko'y isang kaibigan
Order namin ay magkaiba
Sa akin ay burger at fries
Kanya nama'y burger at rice
Masarap ang kain namin
Nang may biglang dumating
May kakilala ang kaibigan ko
na biglang umupo sa tabi namin
Nag-usap silang dalawa
Tahimik lang ako
Tapos ay umalis na siya
At nag-uwian na kami
At may kabayo sa damuhan

"Kape"

Isang gabi,
Nagtimpla ako ng kape
At bumili ako ng pandesal
sa tindahan ni Aling Nitz
Gabi na at madilim
Malamig ang simoy ng hangin
Nag-init muna ako ng tubig
Tapos ay pinalamnan ko ng
mantikilya ang pandesal na aking
Binili sa tindahan
Pagkatapos ay umupo ako
sa harapan ng aming bahay
Tahimik ang gabi, walang tao sa labas
Puro kulisap ang maririnig
Nakaaantok ang dilim at nakabibighani
Ang liwanag ng buwan
May maputing ulap na kumukumot
sa mga bituin
Sinimulan kong lagukin
Ang mainit na kape
Gumuhit sa aking lalamunan ang
matamis at mapait na kape
kumagat ako ng pandesal
Tinitigan ko ang langit
Ang langit ay naging kape
Ang mga ulap ay naging pandesal
ako ay naging buwan

"Pusa sa Ilalim ng Puno"

Unti-unti akong nagiging
Pusa sa ilalim ng puno
Magaan ang pakiramdam
Subalit mabigat ang dinadala
Unti-unti akong kinakain
ng isang pwersang
Mapanganib, nakatatakot
Ako'y niluluoy ng sariling lakas
Lakas, na sa kalauna'y nagiging
Isang nakapanglalatang hila
Na nagdadala sa akin sa isang
Madilim na hukay
Gusto ko nang kumawala
Subalit ang puno ay nakaaakit
Malamig ang simoy ng hangin at
Nakaaaliw ang sinag ng araw
Ngunit kailangan kong tumungo sa
burol kung saan malakas ang buhos
Ng ulan Kailangan kong ginawin
At kailangan kong lumayo sa puno
Upang unti unti akong makabangong muli
Nang hindi nakahawak
sa anumang sanga o dahon
Kailangan kong maging ibon.